8. А которые в городех на посадех и около посадов патриарши
и властелинские и монастырьские вотчины, и боярские и окольничих
и думных и всяких чинов людей вотчины же и поместья, а владеют
они теми вотчинами и поместьями по дачам и по крепостям, а
сошлися те вотчины и поместья с посады, дворы з дворами, или
блиско посадов, и те вотчины и поместья взять за государя, и
устроити к посадом податьми и служьбами. А против тех взятых
вотчин и поместей указал государь дати им в и(ы)ном месте из
своих государевых сел.
9. Которые в городех патриарши и митрополичьи и
властелинские и монастырьские вотчины, села и деревни, и боярские
и окольничих и думных и ближних и всяких чинов людей вотчинные и
поместные села и деревни в ряд с посады и которые около посадов,
и те села и деревни указал государь взяти за себя государя, и
устроити их с посады, в ряд с своими государевыми тяглыми людми,
всякими податьми и службами. А в которых их в тех селах и в
деревнях объявятся пашенные крестьяне, и тех крестьян указал
государь описать себе статьею. А которые патриарши и митрополичьи
и властелинские, и монастырьские вотчинные слободы и села и
деревни боярские и окольничих и думных и ближних и всяких чинов
людей вотчинные и поместные слободы, села и деревни от посадов
неблиско, а в них живут торговые люди, а изъстари они бывали
посадские жильцы, и в городех у них лавки и всякие торговые
промыслы, и по сыску, тех торговых и промышленных людей указал
государь взять в те же городы, в посад на старые их тяглые места,
и устроити с тяглыми с посадскими людми.
А будет в тех селех и в деревнях которые крестьяня объявятся
торговые, а у них в тех городех будут лавки и всякие промыслы, а
они напередь сего в посадских людех не бывали, и тягла не
платили, и тех крестьян указал государь дати на крепкие поруки,
что им впредь в лавках и в погребах не сидети и не торговати, и
варниц и кабаков не откупати, а те лавки и погребы и варницы
продати тяглым людем.
10. А выгоном быти в городех попрежнему, как к которому
городу были выгоны при прежних государех. А будет кто выгонною
землею завладел, и те выгонные земли, по сыску, у тех людей
взяти, и отмежевати к городом попрежнему.
11. А которые в городех стрелцы, и казаки, и драгуны всякими
торговыми промыслы промышляют, и в лавках сидят, и тем стрельцом
и казаком, и драгуном, с торговых своих промыслов, платити
таможенныя пошлины, а с лавок оброк, а с посадскими людми тягла
им не платити, и тяглых служеб не служити.
12. А которые в городех же иных чинов служилые люди, пушкари
и затинщики, и воротники, и казенные плотники, и кузнецы сидят в
лавках, и всякими торговыми промыслы промышляют, и им, с торговых
своих промыслов, по тому же платити государевы таможенные
пошлины, и быти им в тягле, и всякие государевы подати платити и
службы служити с посадскими людми в ряд. А кто в тягле быти не
похочет, и тем людем лавки свои продати государевым тяглым людем.
13. А которые московские и городовые посадские тяглые люди
сами, или отцы их в прошлых годех живали на Москве, и в городех
на посадех и в слободах в тягле, и тягло платили, а иные жили на
посадех же и в слободах у тяглых людей в сиделцах и в наймитах, а
ныне оне живут в заклатчиках за патриархом же и за митрополиты, и
за архиепископы, и за епископом, и за монастыри, и за бояры, и за
околничими, и за думными, и за ближними и за всяких чинов людми
на Москве и в городех, на их дворех, и в вотчинах, и в поместьях,
и на церковных землях, и тех всех сыскивати и свозити на старые
их посадские места, где кто живал напередь сего, безлетно же и
бесповоротно. И въпередь тем всем людем, которые взяты будут за
государя, ни за ково в заклатчики не записыватися, и ничьими
крестьяны и людми не называтися. А будет они въпередь учнут за
ково закладыватися и называтися чьими крестьяны, или людми, и им
за то чинити жестокое наказанье, бити их кнутом по торгом и
ссылати их в Сибирь на житье на Лену. Да и тем людем, которые их
учнут впередь за себя приимати в закладчики, по тому же быти от
государя в великой опале, и земли, где за ними те закладчики
впередь учнут жити, имати на государя.
14. А которым людем, по государеву указу, на Москве и в
городех даны загородныя дворы и огороды, и тем людем на тех своих
дворех и огородех держати в дворниках людей своих. А будет у кого
людей нет, и тем на тех своих дворех и огородех держати в
дворниках крестьян своих, или бобылей, по одному человеку на
дворе или на огороде. А будет кто после нынешняго государева
указу на тех своих дворех и огородех учнут держати многих своих
крестьян и бобылей, и тех их крестьян и бобылей по тому же всех
взяти за государя в тягло, хотя те люди за ними и в писцовых
книгах написаны.
А впредь чьи крестьяне учнут к кому приходити из их вотчин и
поместей на их загородския дворы на время для ремесленого дела на
вотчинников и помещиков, и тех людей, по сыску, в тягло не имати,
и к Москве им приходити не заказывати.
15. А которые боярские и иных чинов люди и крестьяне на
Москве и по городом покупили себе и в заклады поимали тяглыя
дворы, и лавки, и анбары, и погребы каменныя и соляныя варницы, и
торгуют всякими товары, и тем боярским и иных чинов людем и
крестьяном те тяглыя дворы, и лавки, и погребы, и анбары, и
варницы продати тяглым торговым и посадским людем, а им теми
дворами, и лавками, и погребами, и анбары, и варницами впредь не
владети, и впередь ничьим людем и крестьяном, опричь государевых
торговых посадских людей, тяглых дворов, и лавок, и погребов, и
анбаров, и варниц ни у кого не покупати. А будет впредь чьи люди
и крестьяне у кого купят тяглыя дворы, или лавки, и погребы, и
анбары, и варницы, и у них те дворы, и лавки, и погребы, и
анбары, и варницы взяти на государя безденежно, да им же за то
быти от государя в великой опале и в торговой казни.
16. А будет кто торговые и посадские люди тяглые свои дворы,
или лавки, и анбары, и погребы, и варницы напишут чьим нибудь
людем, или крестьяном в долгу в закладе до сроку, и те свои
тяглые дворы, или лавки, и анбары, и погребы, и варницы
просрочат, и тем людем кому тяглые дворы, или лавки, и анбары, и
погребы, и соляные варницы будут просрочаны, после сроку продати
государевым тяглым же людем, а самим им в тех тяглых дворех не
жити, и в лавках, и в анбарех, и в погребах не торговати, и в
варницах соли не варити никоторыми делы. А будет они после сроку
в тех тяглых дворах учнут сами жити или в лавках, и в анбарех, и
в погребах торговати, и в соляных варницах соль варити, и у них
те дворы, и лавки, и анбары, и погребы, и соляныя варницы по тому
же взяти на государя безденежно.
17. А чьи крестьяне учнут к Москве и в городы приезжати из
уездов со всякими товары, и им те товары продавати поволным
торгом безпенно на гостине дворе, и с возов и стругов, а в рядех
лавок не покупати и не наймывати.
18. А которые посадские розных сотен и слобод тяглые люди
взяты будут из закладчиков в тягло, и те люди, из за кого они
будут взяты, учнут на них бити челом государю по кабалам, или по
записям о заемных долгах, или о ссуде, и по таким крепостям и по
записям на тех закладчиков тем людем, за кем они в закладе жили,
суда не давати, и те крепости имати у них в приказ, а им не
отдавати.
19. А которые Московских слобод посадские люди ныне живут в
городех, а городовые посадские люди живут на Москве и в розных
городех, и тем тяглым посадским людем и впередь жити в тех
местех, где они ожилися, а с Москвы в городы постарине и из
городов к Москве, и из города в город их посадских тяглых людей
не переводити.
20. Да и тем всем посадским людем, которые живут ныне в
городех за патриархом, и за властьми, и за монастыри, и за бояры,
и за околничими, и за ближними и всяких чинов людьми в слободах,
и тем всем быти в тех городех в посаде, где кто ныне живет. А
которые розвезены в уезды, в села и в деревни с посадов, и тех
всех сыскивая, свозити на посады тех городов, где кто сыскан
будет.
21. А которые посадские люди давали дочерей своих девок за
волных за всяких людей, и тех волных людей по женам их в черныя
слободы не имати.
22. А которые волные люди поженилися на посадских на тяглых
вдовах, и поженяся с тягла сошли, а прежние мужья тех их жон
написаны в писцовых книгах на посадех в тягле, и тех людей,
которые женилися тяглых людей на женах, имати на посад для того,
что они поженилися на тяглых жонках, и шли к ним в домы.
23. А которые посадские люди зятей своих приимали в домы, и
за них давали дочерей своих для того, чтобы тем их зятем жити в
их домех, по их живот и их кормити, и тем всем жити в тягле в
сотнях и в слободах, а будет за кого выдут, и их взяти в посад.
24. А которые посадские черные мастеровые люди сошли с
тяглых жеребьев, и живут на Москве во дворце и в ружничье полате,
и в и(ы)ных розных приказех, а на тягле они сами были и тяглых
отцов дети, и будет о тех тяглых мастеровых людех учнут государю
бити челом сотенные люди, чтобы их взяти попрежнему в тягло, и о
тех мастеровых людех докладывати государя имянно, как о тех
мастеровых людех государь укажет, а без докладу их в сотни не
отдавати.
25. А изо псарей тяглых людей самих и их детей в тягло
имати.
26. А которые московские и городовые тяглые люди сами на
тягле жили, и тяглых отцов дети, а стали в стрелцы своею охотою,
а не неволею, и тех людей, которые были на тягле, и с ними двух
сынов из стрелцов взяти в тягло, кто где жил, а третьяго сына,
будет есть, оставити в стрелцах.
27. А которые московских и городовых посадских людей дети
отходили от тяглых людей и писалися в стрелецкую службу, а у отца
толко один сын, или два, и тех имати в тягло, а будет у отца три
сына, а третей написан в стрелцы, и третьяго сына не имати, быти
ему в стрелцах.
28. А которые московские и городовые посадские люди были в
посадском тягле, и стали в пушкари и в затинщики и в воротники и
в кузнецы и в и(ы)ные во всякие чины, и тех, по сыску, всех имати
в тягло.
29. А которые московские и городовые тяглые люди в прошлых
годех стали в казаки, и служат с старопоместными казаки, и
денежными оклады они верстаны, и кормы месечными устроены, и тех
черных людей ис казаков не имати, а быти им в службе попрежнему.
30. А которые московские и городские посадские черные люди,
писалися в казаки внов после Смоленской службы, а под Смоленским
не были, и тем черным посадским людем, по сыску, быти попрежнему
в тягле.
31. А которые московские и городовые посадские черные люди
стали в салдаты, а на тягле жили сами, и тяглых отцов дети, и тех
людей, по сыску, имати в тягло же попрежнему.
32. А которые московские и городовые посадские люди стали в
ямщики, а на тягле они сами жили, и тяглых отцов дети, и тех по
сыску, имати в тягло же по прежнему.
33. А которые московские и городовые тяглые люди жили на
тягле сами, или тяглых отцов дети, а были в полону в разных
местех, и тем жити, где кто похочет, для того, что они от тягла
свободилися полоном.
34. А которые городовые торговые люди написаны в гостиную и
суконную сотню, и велено им жити на Москве, а те городовые
торговые люди живут по городом на старых своих дворех, и
торговыми всякими промыслы в тех городех торгуют, а тягла с тех
своих дворов и с промыслов в городех с посадскими людьми не
платят, а тяглыми своими дворы и промыслы владеют попрежнему, и
тем городовым торговым людем, которым велено быти в гостиной и в
суконной сотне, в городех тяглые свои дворы и с промыслы продати
тех же городов посадским тяглым людем, а самим жити на Москве в
гостиной и в суконной сотне. А будет они тех своих городских
тяглых дворов и промыслов продати не похотят, и им с тех своих
городских тяглых дворов и с промыслов в городех з городскими с
посадскими людьми платити тягло попрежнему.
35. А у которых у приезжих у городовых тяглых людей на
Москве построены дворы и лавки, и тем людем быти на Москве в
тягле, в сотнях, а в городех им подати платити, и всякия службы
служити с тамошних городских их торгов и промыслов.
36. А у которых приезжих городовых всяких торговых и тяглых
людей на Москве дворов своих нет, а товары свои привозят, и в
лавках торгуют в наемных и в своих, и тем людем впередь с товары
своими приезжати на гостин двор и торговати на гостине дворе, а в
рядех лавок не наймовати, и свои лавки тем людем, у кого в
которых рядех покуплены, продати государевым тяглым людем
москвичям.
37. А будет чьи нибудь старинные, или кабальные люди, или
крестьяне и бобыли, которые за кем написаны в писцовых книгах,
бегаючи у кого женятся на Москве и в городех у посадских людей,
на дочерях на девках, или на вдовах, и таких беглых людей по
крепостям, а крестьян по писцовым книгам с посадов отдавати з
женами их и з детьми тем людем, из за кого они збежат, а в посад
их в тягло по женам их не имати.
38. А будет которого посадского человека дочь девка збежит,
и в бегах выдет замуж за чьего кабалного, или старинного
человека, или за крестьянина, или за бобыля, или кто посадского
человека дочь девку, или вдову подговорит, и подговоря выдаст за
своего кабалного, или старинного человека, или за крестьянина,
или за бобыля, а отец тоя беглыя, или подговорныя девки, или
вдовы учнет об ней бити челом государю, и по суду и по сыску
сыщется про то допряма, что та его дочь девка, или вдова збежала,
или подговорена, и ту посадскую девку, или вдову с мужем ея и з
детми, которых она детей с тем своим мужем приживет, взяти в
посад и велети мужу ея на посаде жити в тягле.
39. А которые тяглые люди продают беломесцом тяглыя свои
дворы, а пишут вместо купчих закладные, и те свои дворы
просрочивают, а те люди, кому они те свои дворы заложа просрочат
обеливают, и черным людем в черных сотнях и слободах тяглых
дворов и дворовых мест нетяглым людем не закладывати и не
продавати. А кто продаст, или заложит белым людем тяглой двор, и
те дворы имати и отдавати безденежно в сотни, а по закладным у
кого те дворы были заложены в денгах отказывати.
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37